WinskoopToerprys:
Original price was: R69,700.R57,990Current price is: R57,990.
Datums:
Aantal plekke:
Out of stock
DAG 1 VAN ONS WIT KERSFEESTOER, SONDAG 15 DESEMBER 2024 JOHANNESBURG, SUID-AFRIKA
Ons Kersfeestoer begin al op die OR Tambo Lughawe waar die opgewonde toerlede bymekaarkom! Ons vertrek dan na Wenen in Oostenryk. Ons kry etes en drankies tydens al die vlugte.
DAG 2 VAN ONS WIT KERSFEESTOER, MAANDAG 16 DESEMBER 2024 WENEN, OOSTENRYK & BRATISLAVA, SLOWAKYE
Ons arriveer op Wenen se lughawe. Hier wag ons luuksebus reeds op ons. Hierdie gerieflike bus bly ons s’n tydens ons hele Kersfeestoer. Ons vertrek van die lughawe af na Bratislava, die hoofstad van Slowakye. Hier beleef ons die uniekheid van hierdie land se Kerstyd. Ons besoek eerstens hulle pragtige Kersmark en daarna geniet ons vrye tyd in Bratislava se ou stad.
Bratislava, Slowakye
Later neem ons bus ons na Wenen waar ons die volgende twee nagte in ‘n gerieflike hotel tuisgaan.
Domkirche St. Stephan in Wenen, Oostenryk
DAG 3 VAN ONS WIT KERSFEESTOER, DINSDAG 17 DESEMBER 2024 WENEN, OOSTENRYK
Vanoggend begin ons met ‘n interessante stadsbesigtigingstoer van Wenen. Hierna het ons die hele dag vry in die pragtige ou stad. Die artistieke en intellektuele nalatenskap van die stad is gevorm deur sy bekende inwoners, o.a. Mozart, Beethoven en Sigmund Freud. Die stad is ook bekend vir sy keiserlike paleise, insluitend Schönbrunn, die Habsburgers se somerwoning. In die Museum Kwartiere vertoon historiese en kontemporêre werke van Egon Schiele, Gustav Klimt en vele ander kunstenaars. Jy het vandag geleentheid om die menigde Kersmarkte en van hierdie museums te besoek. Vanaand eet ons aandete by die Heuriger waar Beethoven graag besoek afgelê het.
‘n Eg Oostenrykse Kersmark in Wenen
DAG 4 VAN ONS WIT KERSFEESTOER, WOENSDAG 18 DESEMBER 2024 DURNSTEIN & HALLSTATT, OOSTENRYK & BAD REICHENHALL, DUITSLAND
Ons groep vertrek vanoggend na Hallstatt. Op pad stop ons in die pragtige Durnstein, ‘n dorpie bekend vir sy blou barok-kerktoring.
Durnstein, Oostenryk
In Halstatt – een van die allermooiste dorpies – gaan ons ook rondstap en jy kan ‘n gesellige koffiewinkel besoek! Hierna ry ons na Bad Reichenhall waar ons vanaand gaan slaap.
Hallstat, Oostenryk
DAG 5 VAN ONS WIT KERSFEESTOER, DONDERDAG 19 DESEMBER 2024 SALZBURG & INNSBURCK, OOSTENRYK & OBERAMMERGAU, DUITSLAND
Vanoggend vertrek ons na Salzburg en besoek die ou stad. Ons ontmoet ons gids vir ‘n besigtigingsgtoer deur die stad. Ons geniet vrye tyd in hierdie sprokiestad waar Mozart gebore is. Ons ry dan na die pragtige hoofstad van die Tirool, Innsbruck, waar ons die Kersmark se aandliggies bewonder. Ons ry dan verder na Oberammergau waar ons die volgende twee nagte gaan oornag.
Salzburg, Oostenryk
DAG 6 VAN ONS WIT KERSFEESTOER, VRYDAG 20 DESEMBER 2024 OBERAMMERGAU & GARMISCH-PARTENKIRCHEN, DUITSLAND
Vanoggend ry ons na die Zugspitze – die hoogste bergpiek in Duitsland. Ons ry met die kabelkar tot bo in die berge. Daarbo is gerieflike restaurante waar ons oor die sneeu kan uitkyk. Hier beleef ons ‘n tipiese sneeu-opset soos die Europeërs dit geniet! Na ons heerlike oggend in die berge besoek ons die Ettal-klooster en stop ons in Garmisch-Partenkirchen. Later ry ons na Oberammergau waar ons die middag gaan spandeer.
Zugspitze, Duitsland
DAG 7 VAN ONS WIT KERSFEESTOER, SATERDAG 21 DESEMBER 2024 LECH, OOSTENRYK & BODENSEE & LINDAU & KONSTANZ & SINGEN, DUITSLAND
Ons vertrek vanoggend na die lieflike Bodensee. Ons spandeer eers tyd in die skilderagtige Lech. Dan besoek ons verskeie dorpies rondom die Bodensee waar die Kersatmosfeer teen die agtergrond van dié meer jou meesleur. Ons geniet ‘n bootvaart, waarna ons Lindau en die universiteitstad Konstanz besoek. Die Altstadt (Ou Stad) van Konstanz het baie ou geboue en kronkelende stegies. Die stadshorison word oorheers deur die Konstanz-katedraal, verskeie ander kerke en drie torings wat van die stadsmuur oorgebly het. Ons eindig ons dag in Singen waar ons die volgende twee aande oornag.
Lindau, Duitsland
DAG 8 VAN ONS WIT KERSFEESTOER, SONDAG 22 DESEMBER 2024 ZÜRICH, SWITSERLAND & SINGEN, DUITSLAND
Na ontbyt neem ons bus ons groep na Zürich, die hoofstad van Switserland. Hier geniet ons ‘n stadsbesigtigingstoer met ‘n plaaslike gids. Ons kry ook kans om die Kersmarkies te besoek wat hierdie tyd van die jaar so spesiaal maak. Kyk hier vir oulike idees om jou tyd in Zürich te spandeer: https://www.zuerich.com/en/visit/zurich-in-one-day
Na ons die stad beter leer ken het keer ons terug na Singen waar ‘n heerlike warm ete op ons wag.
Zürich, Switserland
DAG 9 VAN ONS WIT KERSFEESTOER, MAANDAG 23 DESEMBER 2024 TRIBERG, DUITSLAND & RIQUEWIHR & COLMAR, FRANKRYK
Vandag ry ons na die nimlike Swartwoud. Ons besoek die dorpie Triberg, wat ‘n transformasie ondergaan tydens Kersfees. Hiervandaan gaan ons Frankryk binne en besoek ons Riquewihr in die Elsas gebied. Ons slaap die volgende twee nagte in die ou-stadgebied van Colmar.
Riquewihr, Frankryk
DAG 10 ,VAN ONS WIT KERSFEESTOER RIQUEWIHR, DINSDAG 24 DESEMBER 2024 STRASBOURG & COLMAR, FRANKRYK
Ons spandeer hierdie lieflike dag in die imposante Strasbourg. Ons plaaslike gids vertel ons meer oor hierdie pragtige stad. Die Ryn-rivier vorm die grens tussen dié stad en Duitsland. Strasbourg het in 1988 sy tweeduisendste bestaansjaar gevier. Strasbourg is ‘n stad wat Kersfees behoorlik vier, met 13 Kersmarkte, die pragtige strate van Kleine Frankryk en menigde kerke om in jou vrye tyd te beleef.
Ons groep geniet vanaand ons Oukersete saam in die hotel.
Strasbourg, Frankryk
DAG 11 VAN ONS WIT KERSFEESTOER, WOENSDAG 25 DESEMBER 2024 ZÜRICH, SWITSERLAND
Na ‘n lekker laat ontbyt het ons tyd om in Colmar te spandeer en vir oulaas inkopies by die Kersmarkte te doen. Daarna vertrek ons na Zürich se lughawe.
Colmar, Frankryk
DAG 12 VAN ONS WIT KERSFEESTOER, DONDERDAG 26 DESEMBER 2024 JOHANNESBURG, SUID-AFRIKA
Ons Kersfeestoer kom tot ‘n einde. En ons weet: die herinneringe bly nou verder by ons vir die res van ons lewens!
*WinskoopToere kan steeds klein veranderinge aan hierdie toerprogram maak.
Ons verwagte WinskoopToerprys is R57,990.00* per persoon wat deel.
*teen wisselkoers van 1 Euro = R20.00
Enkeltoeslag is R9,250.00
Die prys sal AL die volgende insluit:
- Retoer vliegkaartjies.
- Akkommodasie in 3-4* hotelle in twin of dubbelkamers.
- Alle ontbyte.
- Aandetes of €15 subsidie soos aangedui in die toerprogram.
- Luukse busvervoer vir die duurte van die toer.
- ‘n Stadstoer met professionele Engelsprekende gidse in Wenen, Salzburg, Strasbourg en Zürich.
- Kabelkarretjie op met Zugspitze.
- Bootvaart in Bodensee.
- Twee toerleiers wat oral saamtoer, veel waarde toevoeg en ‘n heerlike, gerieflike toer verseker!
- Fooitjies vir die busbestuurder: €30.
Die toerprys sluit slegs die volgende nie in nie:
- Visumkoste (Slegs Schengenvisum)
- Reisversekering (LW: Sommige reisversekeringsopsies vereis dat jy dit moet aktiveer binne 24h of 48h nadat jy jou deposito aan WinskoopToere betaal het. Kontak ons vir meer inligting)
- Middagetes.
- Alle ander toegangsgelde (slegs vir die enkele plekke wat jy dalk addisioneel wil besoek).
- Fooitjies en uitgawes van persoonlike aard (wat ook drankies, koffie, ens. insluit).
Hoe bespreek ek my plek ???
Stap 1:
Betaal die deposito van R6,500 in die volgende rekening:
Bank: ABSA Takkode: 632005 Rekeningnommer: 9343 1803 92 Rekeningnaam: WinskoopToere Verwysing: KERS24/Jou voorletters en van (bv KERS24/J.COETZEE)
Stap 2:
Stuur die bewys van betaling aan admin@winskooptoere.co.za.
Stap 3:
WinskoopToere sal aan jou ‘n inskrywingsvorm stuur wat jy asb aanlyn moet invul om jou bespreking te finaliseer vir hierdie toer.
Covid-19 inligting:
Daar is tans geen inenting-vereistes in Europa nie.
—————-
WinskoopToere sal streng voldoen aan alle gesondheidsriglyne en -vereistes van COVID-19 (bv inentings, maskers, sosiale afstand) sou dit verander.
—————-
Vir meer besonderhede tree gerus met ons kantoor in verbinding.
Hoe werk die visum?
‘n Schengen visum deur Oostenryk word benodig vir hierdie toer. Visumaansoeke in Suid-Afrika word deur die visumsentrum VFS Global met kantore in Johannesburg, Kaapstad, Durban en Pretoria verwerk. Die koste is ongeveer R2,000 per persoon en aansoeke moet in persoon gedoen word. Die aansoekproses word gewoonlik eers 3 maande voor die vertrekdatum begin. Ons sal nader aan die tyd volledige inligting in hierdie verband aan jou stuur.
Wat van reisversekering?
Voldoende reisversekering word benodig om ‘n Schengen visum te kan kry. Dit gee ook die nodige gemoedsrus wat jy benodig wanneer jy reis. Elke toerlid is egter self verantwoordelik vir reisversekering. WinskoopToere kan jou van hulp wees om reisversekering deur Bryte Travel Insurance te verkry, maar dit moet spesifiek deur ons kantoor aangevra word. Daar is verskillende polisse beskikbaar vir ouderdom vanaf 3 maande tot 69 jaar en die koste wissel tussen R1,000 en R2,000 per persoon. Hierdie polisse moet binne 24 uur vanaf jy jou deposito betaal het uitgeneem word sodat jy kan kwalifiseer vir kansellasiedekking. Voldoende reisversekering vir senior burgers is ook beskikbaar op aanvraag en moet binne 48 uur uitgeneem word vir jou kansellasiedekking.
**WinskoopToere behou die reg om die toerprogram en -prys te wysig.