BELEEF DIE PLEKKE WAARVAN IN HANDELINGE, DIE BRIEWE VAN PAULUS EN OPENBARINGE GESKRYF IS.

Met hierdie uiters bekostigbare toer kry jy ‘n besondere veelsydige en verrykende oorsig van hierdie land.

‘n Beduidende PLUS: Teologiese Professor Henk Stoker* van Potchefstroom (GKSA) tree op as geestelike toerleier van hierdie Turkye Toer.

*Hy het reeds meer as sewe keer Christene na hierdie gebied geneem en gee deurlopend verrykende Nuwe Testamentiese kommentaar.

Hierdie is ‘n toer wat besonderse plekke in die Bybel besoek. Onder die leiding van Prof. Henk Stoker leer ken en verstaan ons soveel meer van o.a. Handelinge en Openbaring. Die toergroep word ook vergesel van ‘n groep teologiese studente wat ‘n besondere bydrae aan die toer verleen.

KOM DEEL IN HIERDIE GELOOFSERVARING!

 

DAG 1, 4 OKTOBER 2025 JOHANNESBURG

Ons Turkye- toergroep vertrek per vliegtuig na Istanboel.

DAG 2, 5 OKTOBER 2025 KAPPADOSIË

Ons arriveer op die lughawe buite Istanboel. Vandaar af neem ons dan ‘n binnelandse Turkse vlug na Kappadosië. Na die aankoms in Kappadosië word ons ontmoet deur ‘n plaaslike Turkse gids wat ons deurgaans verder vergesel.

Met ons bus wat die hele tyd tot ons beskikking is, reis ons deur Kappadosië met sy uitsonderlike natuurlike wonders, wat sprokies skoorstene en unieke historiese en kulturele erfenis insluit. Ook besoek ons Turkye toergroep plekke by Urgup, waar die eerste Christene in grotte en gate gebly het (Heb. 11:38), en die Zvelve Opelugmuseum waar Christene vir eeue vergader het. Dan vertrek ons na Nevsehir die hoofstad van Kappadosië (Hand. 2:9). Hier geniet ons aandete en bly twee nagte oor in ‘n viersterhotel.

DAG 3, 6 OKTOBER 2025 KAPPADOSIË

Die naam, Kappadosië, is deur eeue heen in Christelike bronne gebruik. Na ontbyt vertrek ons met ons bus. Ons ry deur hierdie gebied wat meer as ‘n duisend jaar lank 'n belangrike rol in die geskiedenis van die Christendom gespeel het.

.

Dit is ook ‘n baie interessante gebied met natuurlike en mensgemaakte rotsformasies, asook pragtige panoramas met verstommende natuurprag.

Ons hele dag in Kappadosië sluit verskeie historiese besienswaardighede, kerke en ‘n teologiese instituut uit die eerste eeue in, asook die pragtige Dove Valley en Uçhisar Kasteel. By Avanos is die dorpies beroemd vir hulle rooi klei pottebakkerswerk. Ons stap ook rond in een van die ondergrondse stede van Kappadosië.

Ons bly vanaand in dieselfde hotel oor en geniet aandete daar.

DAG 4, 7 OKTOBER 2025 LISTRA – KONYA – COLOSSAE

Vandag reis ons deur die gebiede van Galasië en Frigië (Hand.2:10 & 16:6). Ons besoek die Sultanhanı Karavanserai en bedink die rol van hoeksteen en sluitsteen waarna in die Bybel verwys word.

Ons reis vat ons dan na Listra (Hand. 14) wat Paulus op sy eerste en tweede sendingreis besoek het. Listra was die tuiste van vroeë Christelike gemeentes en daar is steeds oorblyfsels van die kerke en geboue.

Van Listra is dit nie ver na Ikonium, wat vandag as Konya bekend is, waar Paulus vir Timoteus ontmoet het.

Ons oornag vanaand in ‘n hotel in Antiochië, die stad waar soveel mense deur Paulus se werk tot bekering gekom het. Hier geniet ons ook aandete as groep.

DAG 5, 8 OKTOBER 2025

LAODISEA -FILADELFIA – SARDIS - HIËRAPOLIS

Na ‘n heerlike ontbyt sal ons na die antieke stede van die Sewe Gemeentes van Openbaring reis. Die eerste stop op ons toer is Hiërapolis, wat in die Bybel genoem word in Kolossense 4:13.

Van Hiërapolis reis ons na Laodicea, wat in Openbaring 3:14-22 genoem word.

Ons volgende stop is Filadelfia, wat in Openbaring 3:7-13 genoem word.

Laastens, sal ons na Sardis reis, wat in Openbaring 3:1-6 genoem word.

Ons slaap vanaand in ‘n hotel in Hiërapolis.

Ons geniet aandete in die hotel.

DAG 6, 9 OKTOBER 2025 KOLOSSE - SMIRNA - MILETUS

Ons vertrek vandag verder op ‘n onvergeetlike reis van die Sewe Gemeentes van Openbaring. Die eerste stop Kolosse. Van hier reisons na Smirna, wat in Openbaring 2:8-11 genoem word.

Indien die tyd dit toelaat, sal ons ook Miletus besoek. Dit is in Miletus waar die apostel Paulus sy laaste gesprek met die Efese- ouderlinge gevoer het (Handelinge 20:17- 38).

Ons slaap die volgende twee aande in ‘n pragtige hotel in Kusadasi. Ons geniet aandete in die hotel.

DAG 7, 10 OKTOBER 2025 EFESE

Vandag is nog 'n hoogtepunt. Ons bring die hele dag in die Ou Stad van Efese deur (Hand. 19; Ef. 1-6; 1&2 Tim; Op. 2:1-7; Op. 21).

Ons stap rustig deur hierdie goed bewaarde stad uit die tyd van die Nuwe Testament (Efese nr.3). Ons Turkye toergroep besoek ook die Tempel van Artemis (Efese nr. 2 = Hand. 19:23-28) en die Basilika van Johannes (Efese nr.4). Ons slaap vanaand in dieselfde hotel by Kusadasi, waar ons ook weer aandete geniet.

DAG 8, 11 OKTOBER 2025 TROJE

Eerstens sal ons Nicea (moderne Iznik) besoek, wat bekend is vir die Eerste Raad van Nicea wat in 325 n.C. gehou is. Dit was een van die mees belangrike kerklike raadsittings in die geskiedenis, waar die geloofsbelydenis van Nicea opgestel is en die Christelike begrip van die Drie-eenheid gevestig is.

Na Nicea sal ons verder beweeg na Chalcedon, wat in 451 n.C. die Tweede Raad van Chalcedon gehou het. Hierdie raad was van groot belang in die vestiging van die Christelike leer oor die natuur van Christus, wat bepaal het dat Christus beide volledig God en volledig mens is.

Na ons besoeke aan Nicea en Chalcedon sal ons die aand in ‘n nabygeleë hotel deurbring, waar ons die erfenis van hierdie antieke stede kan waardeer en heerlike aandete kan geniet.

DAG 10, 13 OKTOBER 2025 ISTANBOEL

Vandag sal ons die hart van Istanboel verken, ‘n stad wat die kruispunt van Oosterse en Westerse kulture simboliseer. Ons begin die dag met die verkenning van die stadsmure van Istanboel, wat oorspronklik in die 5de eeu gebou is om die stad teen indringers te beskerm.

Van die stadsmure maak ons pad na die majestueuse Topkapi Paleis, die voormalige woning van die Ottomaanse sultane. Ons besoek ook die bekende Grand Bazaar in Istanboel en doen ook inkopies by die bekende Spesery Mark.

Na ‘n wonderlike middag van kultuurskatte geniet ons ’n rustige vaart op die Bosphorusrivier. Ons geniet aandete in ‘n plaaslike restaurant voordat ons laataand na die lughawe vertrek vir ons vlug teru na Suid-Afrika.

DAG 11, 14 OKTOBER 2025 ISTANBOEL

Ons Turkye toergroep land op OR Tambo Lughawe verryk met wonderlike belewenisse.

Ons toerprys is tans steeds onbekend.

Ons toerprys sluit al die volgende in:

• Ekonomiese klasretoervliegkaartjie van Johannesburg na Istanboel en die retoervlug van Istanboel na Johannesburg. (Kaapstadvlugte is beskikbaar teen ‘n toeslag.)
• Ekonomiese binnelandse vlug van Istanboel na Nevsehir.
• Lughawe- en ander belasting.
• Gerieflike verblyf (bed en buffet-ontbyt) in dubbel- of twin-kamers met eie badkamer in gerieflike viersterhotelle.
• Aandetes (plus minstens twee op die vliegtuig).
• ‘n Eie luuksebus vir die groep (met lugverkoeling en yskas) vir die hele tydperk.
• Prof Henk Stoker van die NWU Teologiese skool as toerleier, plus nog ‘n WinskoopToereleier vergesel die toer en neem met kundigheid en vriendelikheid die leiding. (Wees ook gerus: Daar is dus altyd ‘n ekstra persoon wat in geval van nood noodsaaklike hulp kan verleen.)
• ‘n Plaaslike, gekwalifiseerde Engelssprekende gids uit Turkye wat die toerleiers deurgaans bystaan.
• Die gebruik van ons eie kwaliteit radio’tjies (oudiogidse) sodat almal die gidse ewe goed kan hoor.
• Toegangsgelde by al die besienswaardighede wat ons groep besoek.
• Alle fooitjies – vir die busbestuurder, gids en hotelportiere.

Geen bybetalings word van toerlede gevra tydens ons tyd in Turkye nie!

LW: Die Turkse Visum word aanlyn verkry. Dit is gratis vir Suid-Afrikaners.

Die Toerprys sluit nie die volgende in nie:

• Mediese en reisversekering.
• Middagetes.
• Alle ander toegangsgelde van plekke wat jy individueel wil besoek of ‘n aktiwiteit waaraan jy ekstra wil deelneem (kyk hieronder.) (Alle groepsbesoeke is reeds ingesluit.)
• Enige ander uitgawes van persoonlike aard.

Hoe bespreek ek my plek?

Deur die deposito van R6,000.00 pp

- (verwysing: TURK25/Jou Voorletters en Van bv. TURK25/J.Coetzee) –

in die volgende bankrekening te betaal:

WinskoopToere ABSA Rekeningnommer: 9343 1803 92

** NB!! Stuur jou inbetalingstrokie na: admin@winskooptoere.co.za

(Maak asb seker jou epos bevat jou epos adres/kontakbesonderhede)

Nadat ons jou deposito ontvang het, sal ons aan jou ‘n inskrywingsvorm stuur.

Elke toerlid moet asb die vorm invul en so spoedig moontlik na ons terugstuur.

Ons Turkse agent bied ekstra aktiwiteite aan (wat nie deel is van ons geestelike toer nie, en dus ook nie by ons toerprys ingesluit is nie.) Enkele toerlede het egter in die verlede hieroor navraag gedoen. Toerlede wat hieraan wil deelneem kan deur WinskoopToere hiervoor bespreek. Let wel dat die onderstaande pryse slegs 'n verwagte prys is en dat ons die finale pryse sal bevestig voordat die besprekings bevestig word.

• Cappadocia – Hot Air Balloon –Experience the world from a whole new angle, take a Hot air balloon ride and view the light of the dawn breaking the horizon and cast long shadows of the rock formations. USD 250 per person*.
• Pamukkale – Paragliding – Those who want to experience Pamukkale from above and enjoy an adrenaline experience this is the perfect way to paraglide over the landscape with only the wind below you. USD 110 per person*.
• Ephesus – Turkish Bath– Take time to relax, refresh and pamper yourself with this traditional Turkish bath. USD 35 per person*.

(*2024 prys)