Welkom by WinskoopToere!

WinskoopToere is nou alombekend in Suid-Afrika, en baie reisigers weet dat hulle altyd ons webwerf moet besoek as hulle wil spaar op besonderse toere!

WinskoopToere het begin as ‘n gesinsbesigheid, wat al heelwat uitgebrei het. Hierbo is ons span:

Agter van links na regs: Arina Oosthuizen, Lientjie Jooste, Fanie Jooste, Jaco Klopper, en Pieter Jooste. Middel van links na regs: Reneé Potgieter, Ems Jooste, Katrien Klopper (met Stef) en Brechtje Jooste (met Dala). Voor van links na regs: André Klopper, Emma Howell, Fanus Howell (met Cules). Afwesig: Amanda de Wet, Dilla Kruger, Jaco Spies

Ons uitgangspunt is om goeie groeptoere (met groepe van ongeveer 40 Suid-Afrikaners) na Europa aan te bied, maar om dit steeds bekostigbaar te maak. Daarom is ons bv. altyddeur op die uitkyk na gunstige, maar goeie, gerieflike hotelakkommodasie, en ons vind nog steeds pragtige 3 en 4 ster hotelle op baie mooi plekke (veral op die platteland) teen bekostigbare pryse!

• Ons sluit graag kleiner interessante en skilderagtige plekkies (wat dalk nie so bekend is nie) by ons toere in. Kyk gerus na ons toerroetes, en raak saam met ons opgewonde!
• Ons algemene toergroepe bestaan uit mense van alle ouderdomme wat tuisvoel op ons toere, daar is ook heelwat jonger en middeljarige reisigers.

Elkeen van ons toergroepe word vergesel met twee bekwame toerleiers. Dit beteken dat as ‘n krisis ten opsigte van ‘n individuele toerlid sou ontstaan, een toerleier so ‘n persoon kan bystaan, terwyl die toer voortgaan.

Ons bied ook Skooltoere aan waar die reisprogramme volgens die bepaalde groep se belangstellings en voorkeure saamgestel word. Daarby vind skole hierdie toere van ons verrassend bekostigbaar.

Hou ons webwerf dop!
Kyk na al die interessanthede wat ons gereeld op ons webwerf beskikbaar stel en laat jou naam en e-posadres hier sodat jy gereeld ons Nuusbrief kan ontvang.

Ontmoet ons Span: