Kliënte terugvoer

“Die Spanje en Portugal toer was ´n wonderlike ervaring saam met ´n baie aangename groep mede-reisgenote en bekwame toerleiers. Hiermee saam moet ek ook weereens die personeel van WinskoopToere bedank en gelukwens met hulle uitstekende vóٗóraf administrasie en reëlings, asook die fisiese aktiwiteite en gebeure tydens die toer. Dit het in totaal my verwagtinge oortref – ook al so aan heelwat van my vriende en familie getuig!”

“Die gebruik van die radiotjies was wonderlik – veral as mens bietjie agter geraak het met die groep, was dit steeds moontlik om te hoor wat aangaan en dit het ook gehelp om nie die groep in die gemaal van mense te verloor nie.”

“Dit was ‘n wonderlike toer en het uitstekende waarde vir geld gebied. Julle Hoogtepunte van Europa-toer het soveel hoogtepunte ingesluit dat dit moeilik is om sekere plekke uit te sonder. Die afwisseling van wêreldstede met kleiner plekke soos Colmar en Riquewhir was verfrissend. Verder sou ek ook nie graag Brugge wou mis nie. Baie dankie dat julle so betrokke was by elkeen in die groep en alles gegee het om ons gelukkig te hou. Ek bewonder julle daarvoor.”

“Aan die res van Winskooptoere – wel gedaan op ‘n wonderlike toer en definitief ‘n wenresep! Ons almal het die toergidse wat ons in Venesië, Milaan en Amsterdam gehad het baie geniet en so bly ons kon dit hê – want ons het baie geleer en gelag! As ek self getoer het sou ek dit sekerlik nie gehad het nie! Ek hoop om weer saam met julle te toer!”

“Dit was net ‘n vreugde om elke dag saam die mooi plekke in Rusland te ontdek. Wees verseker dat ek julle sonder skroom altyd as toergeselskap heelhartig sal aanbeveel!”

“Net weereens ‘n hartlike dankie vir die gedeelde memories, vriendskapsbande wat gesmee is en die voortreflike positiewe en prettige gees en gesindheid van almal op die toer. Ons kies al ons toere met Winskooptoere voortaan! Julle mag maar!”

“Dankie julle almal vir ‘n onvergeetlike toer. Ek hoop om julle weer raak te loop met my volgende Winskooptoer (Kerstoer 2017).”

“Baie dankie aan almal vir ‘n onvergeetlike en baie aangename toer. Ons het dit baie geniet en was bevoorreg om saam met so ‘n aangename groepie mense alles te kon deel.”

“Van my kant af wil ek net dankie sê aan Winskoop Toere vir ‘n onvergeetlike lekker toer.”

“Die toer was awesome. Dankie ook vir Fanus en Monika. Julle was puik. Dit was onvergeetlik. Sal beslis weer met Winskooptoere toer.”

“Dankie Fanus en Monika, sal weer saam met julle en Winskooptoere toer!”

“Ek was reeds met die heuningkwas by Fanus en Monika. Julle was ‘n goeie span! Nogmaals baie dankie! Moenie die Winskoop Admin vergeet nie: Dankie Katrien. En die grootbaas: Dankie Fanie! Wat ‘n aangename, sonder-nonsens groep mense! Wat ons gesien en beleef het, was onbeskryflik en sal nooit vergeet word nie.”

Ons het dit baie geniet saam met julle almal.

Ons wil net weer duisend dankies sê vir ‘n onbeskryflik lekker toer! Julle kan tevrede voel met al julle reëlings. Dit was ‘n GROOT sukses. Julle mag maar!

Ek sweef nog so tussen die wolkies… dit was waarlik ‘n wonderlike ervaring! Baie dankie vir al julle reëlings en planne. Waardeer.

Die Natuur-Spaartoer na Oostenryk, Duitsland en veral die noorde van Italië met die Dolomiete, die Como Meer, die Maggiore Meer, Stresa en vele meer was wonderlik, ongelooflik, asemrowend en fantasties!! Mens kan eintlik die toer aan niemand beskryf nie, want woorde kan nie beskryf wat mens met jou oë waarneem nie. Mens staan net elke keer in verwondering oor ons God se skeppingswerke. Weer eens ‘n GROOT dankie vir die uitstekende beplanning van julle almal – ook die dierbare toerleier, Fanus (julle kan met reg BAIE trots wees op hom!) en Monika met haar opgeruimde geaardheid en kennis. Verblyf, ontbyte, aandetes, groep mense in die toer was net PUIK PUIK!!!!ertjie indie hoed van Winskoop-toere!

“Baie dankie vir die ongelooflike verrykende toer. Dankie vir julle moeite en geduld met die groep.”

”Dit was ‘n great toer!!  Wonderlike mense, wonderlike plekke en hope spesiale oomblikke;  alles saamgegooi het gesorg vir hierdie lekker toer.  Vir Emma, Brechtje en Katrien wil ek ‘n spesiale dankie weer sê vir die goeie reëlings en leiding.”

“Dankie dat ek met ‘n lekker hart en ‘n glimlag kan terug dink aan ‘n heerlike toer oorvol gelaai met soveel mooi dinge en plesierigheid! ‘n Wenspan sou ek dit noem! Dankie aan die toerleiers.”

”Wil sommer vir elkeen baie dankie sê vir ‘n wonderlike toer! ‘n Spesiale dankie aan ons oulike gidse, Emma en Brechtje en ook Lientjie! Gelukkig vir ons foto’s kan ons die wonderlike herinneringe wat ons bymekaar gemaak het onthou”