Categories: , , , ,

RKERS26: Ons Kerstoer met André Rieu

Toerprys:

Original price was: R75,000.00.Current price is: R69,000.00.

Datum:

11 Desember tot 22 Desember 2026 (12 dae)

Plekke nog beskikbaar:

21 plekke

Kliek hier om te bespreek

NAMIBIË-TOERLEDE: KONTAK ASB. ONS KANTOOR DEUR DIE 'STEL JY BELANG?'-VORM HIER REGS IN TE VUL

 

Kliek hier om die brosjure af te laai

Toer na Europa - Ons Kerstoer met André Rieu

LET DAAROP DAT ALLE ONTBYTE, AANDETES (OF AANDETE-SUBSIDIES) EN ALLE TOEGANGSGELDE VAN GROEPSBESOEKE OP ONS TOER NA EUROPA REEDS BY ONS PRYS INGESLUIT IS.

Dag 1: Ons Kerstoer met André Rieu

Vrydag, 11 Desember 2026

- JOHANNESBURG, SUID-AFRIKA -

Ons André Rieu Kerstoer begin op O.R, Tambo Lughawe waar die opgewonde toerlede bymekaarkom! Ons vertrek na Brussel in België. Etes en drankies tydens die vlugte is ingesluit. ‘n Beperkte aantal Kaapstadvlugte is beskikbaar op aanvraag - doen vroegtydig hiervoor aansoek.

Dag 2: Ons Kerstoer met André Rieu

Saterdag, 12 Desember 2026

- BRUSSEL, BELGIë -

Ons arriveer vroeg vanoggend in Brussel. Hier wag ons luukse toerbus reeds op ons. Ons geniet vanoggend ‘n lekker warm WinskoopToere verrassing voor ons heerlike vrye tyd in Brussel spandeer om self die pragtige ou dorpie te leer ken.

Ons stap dan saam na Brussel se “Winter Wonders and Christmas Market” om ons eerste smakie van hierdie Kerswonder te beleef. Ons vertrek na ons sentraal-geleë hotel en hierna het ons die res van die dag vry om uit te rus of die dorp verder te verken. Ons geniet almal saam ‘n smaaklike aandete by die hotel.

Brussel, België

Dag 3: Ons Kerstoer met André Rieu

Sondag, 13 Desember 2026

- MAASTRICHT, NEDERLAND -

Na ‘n heerlike ontbyt vertrek ons groep na Maastricht. Ons geniet vanoggend hier vrye tyd. Ons bus neem ons dan na ons hotel in Valkenburg waar ons inteken. Nou het ons tyd om onsself te verfris en reg te maak vir vanaand se konsert. Ons vertrek na die Maastricht Exhibition & Conference Centre (MECC) vir ons André Rieu konsert wat om 19:30 begin. Hier betower André Rieu en sy simfonie-orkes ons met ‘n pragtige Kersspel. Ons toerlede het almal klas een-kaartjies! ‘n Ervaring van ‘n leeftyd! André Rieu, die ”Koning van die Wals”, is 'n Nederlandse violis en dirigent van die Johann Strauss-orkes. Die orkes bestaan uit 60 musikante en voer gewilde klassieke werke en walse uit. Ons deel vanaand aan elke toerlid ‘n subsidiebedrag van €20 uit om ‘n smaaklike aandete by die MECC of in Maastricht te geniet.

Maastricht, Nederland

Dag 4: Ons Kerstoer met André Rieu

Maandag,  14 Desember 2026

- VALKENBURG & KEULEN, DUITSLAND -

Na ontbyt leer ons Valkenburg beter ken. Ons begin met ‘n heerlike oggenduitstappie en geniet vrye tyd. Teen vroegmiddag vertrek ons na Keulen waar ons eers ‘n interessante stadstoer en dan heerlike vrye tyd geniet. Ingesluit by ons besoek aan Keulen is toegang tot die bekende en indrukwekkende Keulen Dom - dit is werklik ‘n meesterstuk van gotiese argitektuur. Hierna neem die bus ons na ons hotel waar ons inteken. Ons hotel lê in die hartjie van Keulen se ou stad en toerlede kan die area te voet op hul eie leer ken. Kersmarkte is gedurende die Adventperiode regdeur Keulen versprei, wat die hele stad in een groot sprokieswêreld omskep. Die hoof-Kersmark is geleë by die "Kölner Dom" (Keulenkatedraal) – een van Europa se grootste en mooiste Gotiese kerke. Lede ontvang ‘n €20 subsidie vir aandete.

Keulen, Duitsland

Dag 5: Ons Kerstoer met André Rieu

Dinsdag, 15 Desember 2026

- WIESBADEN & HEIDELBERG, DUITSLAND-

Ons vertrek vanoggend eers na Wiesbaden, en dan na die beroemde universiteitstad Heidelberg waar ons oornag.

Ons groep besoek saam die eeue-oue kasteel wat oor die ou stad waak en later kan jy ronddwaal en verlore raak in die atmosfeer van die seisoen. Ons ontmoet mekaar op die afgespreekte plek en vertrek na ons luukse hotel wat lekker sentraal-geleë is.

Ons deel weer vanaand aan elkeen ‘n subsidie van €20 vir aandete uit.

Wiesbaden, Duitsland

Heidelberg, Duitsland

Dag 6: Ons Kerstoer met André Rieu

Woensdag, 16 Desember 2026

- BADEN-BADEN, DUITSLAND & COLMAR, FRANKRYK-

Na ontbyt vertrek ons na Baden-Baden. Ons ervaar die betowerende atmosfeer van hierdie wêrelderfenisstad omring deur die Swartwoud en die berge.

Baden-Baden, Duitsland

Ons verken die Elsasgebied verder en ry na Colmar waar ons die volgende twee aande in ons sentraal-geleë hotel oornag.  Ons groep geniet ‘n betowerende aand in Colmar se ou stad.

Vanaand geniet ons as groep saam aandete by ‘n restaurant wat naby ons hotel geleë is.

.

Colmar, Frankryk

Dag 7: Ons Kerstoer met André Rieu

Donderdag, 17 Desember 2026

- COLMAR, RIBEAUVILLE & STRASBOURG, FRANKRYK -

Vanoggend ry ons na die goed behoue middeleeuse dorpie Ribeauville. Hierdie dorpie is gekies as een van die mooiste dorpies in Frankryk en is omring deur die wingerde van Elsas. Hierna ry ons verder na Strasbourg wat spog met van die mooiste versierde strate ter wêreld tydens die Kersseisoen. Teen die aand begin duisende kersliggies en kersversierings skitter en glinster.

Toerlede geniet hier vrye tyd. Na ons besoek hier keer ons weer terug na Colmar. Ons eet saam aandete in ons hotel.

Ribeauville, Frankryk

Strasbourg, Frankryk

Dag 8: Ons Kerstoer met André Rieu

Vrydag, 18 Desember 2026

- ROTHENBURG OB DER TAUBER & NüRNBERG, DUITSLAND -

Vanoggend ry ons na nog ‘n juweelstadjie uit die Middeleeue: Rothenburg ob der Tauber. Jy kan nie anders as om jouself af te vra of die tyd in Rothenburg stilgestaan ​​het vanaf die Middeleeue nie. Daar is baie min plekke elders in die wêreld met so baie oorspronklike geboue wat uit die Middeleeue dateer soos in hierdie dorpie. Ons geniet hier vrye tyd.

Rothenburg ob der Tauber, Duitsland

Ons toerbus neem ons later na Nürnberg waar ons vanaand oornag. Na ons by ons hotel in die ou stad ingeteken het kan toerlede gerus in Nürnberg gaan rondloop. In die houthokkies van die “stadjie van hout en lap” vind ’n mens tradisionele, dikwels handgemaakte Kersversierings en lekkernye soos gemmerkoek en Spekulatius-amandelkoekies. Elkeen ontvang €20 subsidie vir aandete.

Dag 9: Ons Kerstoer met André Rieu

Saterdag, 19 Desember 2026

- NüRNBERG & OBERAMMERGAU, DUITSLAND-

Na ontbyt vertrek ons op ‘n besonderse stadstoer van die mooie ou Nürnberg met sy kasteel wat omstreeks 1140 gebou is. Nürnberg se historiese myl eindig (of begin) by die kasteel en beskik oor pragtige kerke, uitgebreide fonteine ​​en die Tucherschlossmuseum. In skrille kontras dien ander terreine in Nürnberg as noodsaaklike herinneringe aan die donkerder jare in die stad se lang geskiedenis, o.a. waar die hoofoortreders van die Nazi-gruweldade in 1946 verhoor en skuldig bevind is.

Na ons stadstoer ry ons verder na Oberammergau waar ons die volgende twee aande gaan oornag. Ons geniet aandete by die hotel.

Nürnberg, Duitsland

Dag 10: Ons Kerstoer met André Rieu

Sondag, 20 Desember 2026

- ZUGSPITZE, ETTAL-KLOOSTER & OBERAMMERGAU, DUITSLAND -

Vanoggend ry ons na die Zugspitze - die hoogste bergpiek in Duitsland. Ons ry met die kabelkar tot bo in die berge. Daarbo is lieflike restaurante waar ons oor die sneeu kan uitkyk. Hier beleef ons tipiese sneeu soos die Europeërs dit geniet! Na ons heerlike oggend in die berge, besoek ons die Ettal-klooster (gestig op 28 April 1330). Ons ry later terug na ons hotel in Oberammergau. Ons geniet ons laaste aandete saam in die hotel.

Zugspitze, Duitsland

Dag 11: Ons Kerstoer met André Rieu

Maandag, 21 Desember 2026

- MüNCHEN, DUITSLAND -

 Vanoggend is dit tyd om Europa te groet en met ons bus na die lughawe in München te ry. Ons vertrek teen die middag terug na Suid-Afrika met mooi herinneringe, ‘n blywende Kersfeesgevoel en opwinding om die komende Kerstyd saam met ons geliefdes in ons warm tuisland deur te bring. 

München, Duitsland

Dag 12: Ons Kerstoer met André Rieu

Dinsdag, 22 Desember 2026

- JOHANNESBURG, SUID-AFRIKA -

Ons arriveer in Suid-Afrika en so kom ons lieflike Kerstoer tot ‘n einde. En ons weet: die herinneringe bly by ons vir die res van ons lewens!

Ons toerprys is R69,000 p.p. wat deel.

Enkeltoeslag is R13,300

Teen wisselkoers van €1 = R19,00

Wil jy jou plek op hierdie toer bespreek?

Kry 'n digitale afskrif van jou paspoort en 'n informele foto gereed om te kan oplaai, vul die WinskoopToere-inskrywingsvorm hieronder in en betaal jou deposito van R6,000:

 

Kliek hier om te bespreek

 

KYK WAT IS ALLES IN ONS TOERPRYS INGESLUIT:

  • Ekonomieseklas-retoervlugte met Qatar Airways. ‘n Beperkte aantal vlugte vanaf Kaapstad is beskikbaar op aanvraag. ('n Beperkte aantal retoervliegkaartjies vanaf Kaapstad is soms op aanvraag beskikbaar.);
  • Lughawebelasting - mag toeneem a.g.v. wisselkoersverandering (tans geen);
  • Gerieflike verblyf (bed en buffetontbyt) in dubbel- of twinkamers, elk met eie badkamer in drie-en viersterhotelle;
  • Aandetes soos gemeld in ons program of ‘n subsidie van €20 p.p. vir aandetes wat nie as groep saamgeëet word nie;
  • Privaat luukse bus vir die groep (met lugverkoeling en yskas) vir die duur van die toer;
  • Fooi vir die busbestuurder: €30 p.p.;
  • Twee ervare toerleiers vergesel die toer en neem met kundigheid en vriendelikheid die leiding. (Wees ook gerus: Daar is dus altyd ‘n ekstra persoon wat in geval van nood hulp kan verleen.);

Toegangsgelde vir die volgende uitstappies is ook by die prys ingesluit:

    • Stadstoere in Brussel, Köln en Nürnberg met professionele plaaslike gidse (Engelssprekend).
    • Klas 1 André Rieu-konsertkaartjies in Maastricht.
    • Toegang na die Heidelberg-kasteel en Bergbahn.
    • Toegang na die Köln Dom (Keulenkatedraal).
    • Kabelkarretjie op met Zugspitze.
    • Ettal-klooster toegangskaartjies.
    • Die gebruik van WinskoopToere se kwaliteit radio’tjies (oudiogidse) sodat almal die gidse ewe goed kan hoor.

Wat is nie ingesluit nie?

  • Visumkoste;
  • Reisversekering (LW: Sommige reisversekeringsopsies vereis dat jy dit moet aktiveer binne 24 of 48h nadat jy jou deposito aan WinskoopToere betaal het. Tree gerus met ons in verbinding vir meer inligting.);
  • Middagetes;
  • Drie AA-batterye vir gebruik in die radio’tjies;
  • Enige ander toegangsgelde en uitstappies wat jy op jou eie onderneem – volgens jou eie voorkeur;
  • Fooitjies en uitgawes van persoonlike aard.

LET WEL: GEEN ekstra betalings vir groepsaktiwiteite word in Europa van ons toerlede gevra nie.

Kom #DroomLeefReis saam!

Toer na Europa - Kerstoer met André Rieu

Tree met ons in verbinding:

Ems: +27 83 637 1542

Ilzé: +27 83 637 1642

droom@winskooptoere.co.za

Gaan volg WinskoopToere op ons Facebook, Instagram en Youtube blaaie en sien meer oor ons toere na Europa:

Toer na Europa - Kerstoer met André Rieu

**WinskoopToere behou die reg om die prys en toerprogram te wysig.
Stel jy belang?
Vul asb. die onderstaande vorm in. Sodra ons die e-pos ontvang, sal ons jou kontak.

    Back To Top
    Your Cart

    Your cart is empty.

    Visit the Shop