Ons arriveer in Dubrovnik en ons vakansie begin met ‘n interessante stadsbesigtigingstoer van Dubrovnik te voet, onder leiding van ‘n plaaslike gids. Na die besigtigingstoer het toerlede vrye tyd om die stad op hulle eie te verken. Jy kan op die stadsmure gaan loop of met die kabelkar teen die berg opry. Bo-op die berg het mens ‘n wonderlike uitsig oor die stad en die Adriatiese kus. Die stappers onder ons kan hier ook op die rand van die berg ‘n hele ent gaan stap en die asemrowende natuurtonele indrink. Bo-op die berg is daar ook ‘n restaurant waar mens kan ontspan en ‘n drankie kan geniet.

Later gaan ons saam na ons viersterhotel. Ons geniet saam aandete.

Dubrovnik, Kroasië

Dag 3: Luilekker Kroasië-boottoer

Saterdag, 11 September 2027

- DUBROVNIK & SLANO, KROASIË -

Vanoggend geniet ons ontbyt by ons hotel. Ons span lekker uit langs die swembad of die see om solank die regte vakansiegevoel te ervaar. Later begin ons lieflike vaart vir agt dae op ons eie luukse privaatboot, Die Admiraal. Ons gaan by Gruž-hawe aan boord. Ons vaar na die rustige vissersdorp Slano, bekend vir sy olyfboorde, wingerde en helder water. Hier kan jy swem en ontspan langs die see, wandel langs die kuslyn of deur olyf- en denneboorde, of jy kan na die klein kerkies en kapelle in die dorpie gaan kyk.

Ons Privaatboot, Die Admiraal

Slano, Kroasië

Ons vertrek vroeg vanoggend na Mljet, 'n ware juweel van Kroasië. Terwyl ons vaar, geniet ons ‘n lieflike buffetontbyt aan boord. Later geniet ons ook ‘n driegangmiddagete op ons boot. In Miljet kan jy die middag spandeer om die soutwatermere en groen natuur te geniet. Baie mense noem dit die groenste eiland van die Adriatiese See.

Mljet, Kroasië

Mljet, Kroasië

Na ontbyt vaar ons na die antieke dorpie Trogir. Hierdie dorpie is tussen die 13de en 15de eeu gebou. Dit is vandag ook ‘n Wêrelderfenisgebied. Trogir se ou stadskern is ’n betowerende doolhof van klipstegies, kleurvolle markte en indrukwekkende argitektuur. Die helderblou waters, sjarmante hawetjie en rustige mediterreense atmosfeer maak dit die perfekte plek om te ontspan en eilandlewe ten volle te geniet.

Trogir, Kroasië

Dag 7: Luilekker Kroasië-boottoer

Woensdag, 15 September 2027

- TROGIR & MAKARSKA, KROASIË -

Ons geniet vanoggend weer ‘n bufffetontbyt aan boord terwyl ons na Makarska Riviera vaar. Makarska is beroemd vir sy lang wit klippiestrande en kristalhelder water, sowel as sy lewendige strandpromenade langs die see met palmbome, koffiewinkels, restaurante en markstalletjies. Vanaand geniet ons die Captain's Dinner met gesellige vermaak aan boord.

Makarska, Kroasië

Makarska, Kroasië

Dag 8: Luilekker Kroasië-boottoer

Donderdag, 16 September 2027

- MAKARSKA & KORČULA, KROASIË -

Vanoggend geniet ons ons buffetontbyt aan boord en vaar na Korčula, die geboorteplek van Marco Polo. Die stad is omring met bewaarde middeleeuse stadsmure en torings. Die strate is in ’n visgraatpatroon uitgelê – uniek en perfek om te ontdek. Buite die ou stad wag daar talle klein afgeleë baaitjies om by te swem en te ontspan. Ons geniet 'n lieflike driegangmiddagete op ons boot.

Korčula, Kroasië

Dag 9: Luilekker Kroasië-boottoer

Vrydag, 17 September 2027

- KORČULA & DUBROVNIK, KROASIË -

Ons smul aan ons buffetontbyt aan boord en vaar na Dubrovnik. Ons ontspan aan boord en geniet later ook ‘n lekker middagete. Dubrovnik is wêreldbekend vir sy stadsmure wat die hele ou stad omring (1.94km!). Dwaal deur die Stradun – die hoofstraat vol klein stegies, pleintjies en winkeltjies.

Ons geniet 'n tradisionele Kroatiese aandete as groep saam op ‘n klein plasie buite Dubrovnik. Later neem ons bus ons terug na ons boot.

Dubrovnik, Kroasië

Dubrovnik, Kroasië

Dag 10: Luilekker Kroasië-boottoer

Saterdag, 18 September 2027

- DUBROVNIK, KROASIË -

Vanoggend geniet ons vir oulaas ontbyt aan boord en neem ons hartlik afskeid van die bemanning en nuwe vriende.  Ons het nog heerlike vrye tyd in Dubrovnik voordat ons na die Dubrovnik lughawe vertrek om na Suid-Afrika terug te keer met 'n vol hart, Adriatiese seesand nog tussen ons tone en songebrande bewyse van ons onvergeetlike vakansie.

Dubrovnik, Kroasië

Dag 11: Luilekker Kroasië-boottoer

Sondag, 19 September 2027

- JOHANNESBURG, SUID-AFRIKA -

Ons land op O.R. Tambo Lughawe, verryk deur hierdie luilekker vakansie deur Kroasië!

Ons toerprys is tans onbekend.

Teen wisselkoers van €1 = R20,50

*Die toerprys is onderhewig aan 'n aanpassing volgens die wisselkoers. Die finale toepaslike wisselkoers word ongeveer vier maande voor vertrek vasgestel en sal op die finale faktuur weerspieël word, wat drie maande voor vertrek betaalbaar is. Wisselkoerse word vir prysdoeleindes na die naaste ZAR afgerond.

Wil jy jou plek op hierdie toer bespreek?

Kry 'n digitale afskrif van jou paspoort en 'n informele foto gereed om te kan oplaai, vul die WinskoopToere-inskrywingsvorm hier onder in en betaal jou deposito van R6,000:

Kliek hier om te bespreek

• KYK WAT IS ALLES IN ONS TOERPRYS INGESLUIT:

  • Ekonomieseklas-retoervliegkaartjie van Johannesburg na Dubrovnik en terug. 'n Beperkte aantal retoervliegkaartjies vanaf Kaapstad is op aanvraag beskikbaar;
  • Lughawebelasting - mag toeneem a.g.v. wisselkoersverandering (tans geen);
  • Gehalteverblyf (bed en buffetontbyt) in dubbel- of twinkamers, elk met eie badkamer, in 'n viersterhotel in Dubrovnik;
  • Bootvaart vir agt dae op ons eie privaatboot, Die Admiraal;
  • Fooitjies vir ons boot se bemanning (€150);
  • Buffetontbyt aan boord elke oggend;
  • Driegangmiddagete met 'n kaas- en slaaibar aan boord elke dag;
  • Captain's Dinner met apéritief en gesellige vermaak aan boord;
  • Tradisionele Kroatiese aandete;
  • Vervoer vir groepsuitstappies en -bewegings in Dubrovnik;
  • Twee ervare toerleiers vergesel die toer en neem met kundigheid en vriendelikheid die leiding. Wees ook gerus: Daar is dus altyd ‘n ekstra persoon wat in geval van nood hulp kan verleen;
  • Gekwalifiseerde Engelssprekende plaaslike gids in Dubrovnik;
  • Fooie vir die busbestuurder (€8);
  • Toeristebelasting en hawefooie vir die week op die boot (€60).

  Wat is nie ingesluit nie?

  • Visumkoste;
  • Reisversekering (LW: Sommige reisversekeringsopsies vereis dat jy dit moet aktiveer binne 24h of 48h nadat jy jou deposito aan WinskoopToere betaal het. Tree gerus met ons in verbinding vir meer inligting.);
  • Enige ander toegangsgelde en uitstappies wat jy op jou eie onderneem – volgens jou eie voorkeur;
  • Die addisionele koste daaraan verbonde indien jy kies om jou sitplek vooraf te bespreek, soos bepaal deur die lugredery;
  • Fooitjies en uitgawes van persoonlike aard.

MEER OOR ONS PRIVAATBOOT, DIE ADMIRAAL

Die Admiraal is ’n moderne, stylvolle en ruim boot, deel van die deluxe-vloot wat spesiaal ontwerp is vir vaarte langs Kroasië se prentjiemooi kuslyn. Geloods in 2015, bied die Admiraal ’n luukse ervaring waar gerief en avontuur perfek saamvloei. Met plek vir 38 gaste is dit die ideale keuse vir ’n intieme en eksklusiewe bootvaart net vir ons WinskoopToerlede.

• 18 Stylvol ingerigte kajuite met moderne geriewe: Lugversorging, platskerm-TV’s en individuele kluise;

  • 10 Hoofdekkajuite en 8 Onderdekkajuite

• Hoofarea waar jy heerlik kan eet en gesels, omring deur asemrowende see-uitsigte;

• 200 m² sondek met gemaklike sondekbeddens vir die lekkerste ontspanning;

• Borrelbad op die sondek;

• Swemplatform vir maklike toegang tot die helder Adriatiese waters;

• Gebruik van snorkeltoerusting, sonbeddens en ’n klein rubberboot;

Hier is nog 'n paar ekstras wat ons boot insluit:

• Verwelkomingsdrankie;
• Koffie en tee ná middagete;
• Gratis water vanaf die waterfontein;
• Olyfolie- en wynproe aan boord;
• Daaglikse vars vrugte en peuselhappies;
• Daaglikse kajuitdiens en handdoekvervanging;
• Vars beddegoed halfpad deur die week;
• Pantoffels en badjasse beskikbaar op versoek;
• Strandhanddoeke;
• Gratis draadlose internettoegang (Wi-Fi);
• Lugverkoelde eetkamer met kroegarea en LCD-televisie;
• Portierdienste.

Die vriendelike bemanning sorg vir uitstekende diens en heerlike etes deur die hele reis. Hierdie boot is ideaal om Kroasië se sonskyn en seelug in styl te geniet - dis perfek vir diegene wat hou van swem in afgeleë baaitjies, verkenning van historiese dorpies of eenvoudig op die dek wil ontspan. Die Admiraal kombineer styl, luuksheid en avontuur – die ideale manier om Kroasië se eilande en kuslyn te ontdek.

                 

Kliek hier om te bespreek

Kom #DroomLeefReis saam!

Toer na Europa - Luilekker Kroasië-boottoer

Tree met ons in verbinding:

Ems: +27 83 637 1542

Ilzé: +27 83 637 1642

droom@winskooptoere.co.za

Gaan volg WinskoopToere op ons Facebook, Instagram en YouTube blaaie en sien meer oor ons toere na Europa:

Toer na Europa - Luilekker Kroasië-boottoer

**WinskoopToere behou die reg om die prys en toerprogram te wysig.