Dag 10: Ons Mediterreense Boottoer

Vrydag, 16 Oktober 2026

- TARRAGONA, BARCELONA, SPANJE  -

Vandag neem ons afskeid van die elegante MSC Orchestra in Tarragona. Met aankoms ontmoet ons ons luukse bus en vertrek saam met ’n plaaslike gids om hierdie historiese kusstad te verken.

Tarragona se ryk Romeinse erfenis kom tot lewe tydens ons besoek aan die indrukwekkende amfiteater, dramaties geleë bo die Middellandse See. Daarna is daar tyd om op eie pas deur die stad te wandel, die atmosfeer in te neem en heerlik rond te loop of inkopies te doen.

Na ons tyd in Tarragona vertrek ons per bus verder na Barcelona, waar ons reis voortgaan.

Ons geniet vanaand 'n spesiale afskeidsete in Barcelona.

Tarragona, Spanje

Dag 11: Ons Mediterreense Boottoer

Saterdag, 17 Oktober 2026

- BARCELONA, SPANJE -

Vandag geniet elkeen die laaste oomblikke in Barcelona teen eie tempo. Die dag is oop vir vrye tyd om nog ’n bietjie van hierdie lewendige stad te ervaar — dalk vir laaste inkopies, ’n rustige koffiestop in ’n plaaslike kafee, of ’n laaste wandeling deur ’n gunsteling buurt.

Dit is ook ’n ideale geleentheid om een van Barcelona se ikoniese Gaudí-besienswaardighede te besoek, soos Park Güell met sy kleurvolle mosaïeke en panoramiese uitsigte, of Casa Batlló en Casa Milà (La Pedrera) — twee van die stad se bekendste modernistiese meesterwerke.

In die laatmiddag vertrek ons per bus lughawe toe, waar ons ons vlug huiswaarts neem — verryk deur onvergeetlike ervarings en kosbare herinneringe.

Barcelona, Spanje

Dag 12: Ons Mediterreense Boottoer

Sondag, 18 Oktober 2026

- SUID-AFRIKA -

Ons arriveer terug in Suid-Afrika, vervul met nuwe ervarings, herinneringe en lewenslange vriende.

Ons toerprys is R69,000 p.p. wat deel.

Enkeltoeslag is R32,000 p.p.

Wil jy jou plek op hierdie toer bespreek?

Kry 'n digitale afskrif van jou paspoort en 'n informele foto gereed om te kan oplaai, vul die WinskoopToere-inskrywingsvorm hieronder in en betaal jou deposito van R6,000:

Kliek hier om te bespreek

KYK WAT IS ALLES IN ONS TOERPRYS INGESLUIT:

• Ekonomieseklas-retoervliegkaartjie van Johannesburg na Barcelona en terug. 'n Beperkte aantal retoervliegkaartjies vanaf Kaapstad is op aanvraag beskikbaar;
• Lughawebelasting - mag toeneem a.g.v. wisselkoersverandering (tans geen);
• Gerieflike verblyf (bed en buffetontbyt) in dubbel- of twinkamers, elk met eie badkamer;
• Ses nagte aan boord die MSC Orchestra (in Balkonkajuite!). Ontbyt, middagetes, aandetes en alle vermaak is ingesluit;
• Aandetes soos gemeld in ons program of ‘n subsidie van €20 p.p. vir aandetes wat nie as groep saamgeëet word nie;
• Privaat luukse bus vir die groep (met lugverkoeling en yskas), voor en na die bootvaart;
• Fooi vir die busbestuurder: €8 p.p.;
• Twee ervare toerleiers vergesel die toer en neem met kundigheid en vriendelikheid die leiding. (Wees ook gerus: Daar is dus altyd ‘n ekstra persoon wat in geval van nood hulp kan verleen.);
• Stadsbesigtigingstoere te voet of per bus, soos gemeld, met 'n ervare, Engelssprekende plaaslike gids in Barcelona;
• Toegangskaartjies na La Sagrada Familia in Barcelona;
• Uitstappie na wynplaas buite Frascati wat die volgende insluit: pastamaakklas, wynproe, middagete, busvervoer tussen Civitavecchia en Frascati;
• Uitstappie na Saint-Rémy-de-Provence: busvervoer vir die dag vanaf Marseilles, toegangskaartjies na Saint-Paul-de-Mausole-klooster.

Wat is nie ingesluit nie?

• Visumkoste;
• Reisversekering (LW: Sommige reisversekeringsopsies vereis dat jy dit moet aktiveer binne 24 of 48h nadat jy jou deposito aan WinskoopToere betaal het. Tree gerus met ons in verbinding vir meer inligting.);
• Middagetes tydens die bustoer;
• Enige ander toegangsgelde en uitstappies wat jy op jou eie onderneem – volgens jou eie voorkeur;
• Fooitjies en uitgawes van persoonlike aard.

LET WEL: GEEN ekstra betalings vir groepsaktiwiteite word in Europa van ons toerlede gevra nie.