WinskoopToerprys:
Original price was: R82,430.00.R64,990.00Current price is: R64,990.00.
Datums:
Aantal plekke:
28 in stock
Ons Tweede Wit Kersfeestoer in 2025!
Aangesien Ons Wit Kersfeestoer 2025 in 'n rekordtyd vol bespreek is - het ons vir julle nog 'n toer gemaak - dieselfde program, net 'n paar dae later!
DAG 1 VAN ONS TWEEDE WIT KERSFEESTOER, DINSDAG 16 DESEMBER 2025
JOHANNESBURG, SUID-AFRIKA
Ons Kersfeestoer begin al op die OR Tambo Lughawe waar die opgewonde toerlede bymekaarkom! Ons vertrek dan na Wenen in Oostenryk. Ons kry etes en drankies tydens al die vlugte. (Ongelukkig is daar geen Kaapstad vlugte beskikbaar nie.)
DAG 2 VAN ONS TWEEDE WIT KERSFEESTOER, WOENSDAG 17 DESEMBER 2025
WENEN, OOSTENRYK & BRATISLAVA, SLOWAKYE
Ons arriveer op Wenen se lughawe. Hier wag ons luukse bus reeds op ons. Hierdie gerieflike bus bly ons s’n tydens ons hele Kersfeestoer. Ons vertrek van die lughawe af na Bratislava, die hoofstad van Slowakye. Hier beleef ons die uniekheid van hierdie land se Kerstyd. Ons besoek eerstens hulle pragtige Kersmark en daarna geniet ons vrye tyd in Bratislava se ou stad.
Bratislava, Slowakye
Later neem ons bus ons na Wenen waar ons die volgende twee nagte in ‘n gerieflike hotel tuisgaan.
Domkirche St. Stephan in Wenen, Oostenryk
DAG 3 VAN ONS TWEEDE WIT KERSFEESTOER, DONDERDAG 18 DESEMBER 2025
WENEN, OOSTENRYK
Vanoggend begin ons met ‘n interessante stadsbesigtigingstoer van Wenen. Hierna het ons die hele dag vry in die pragtige ou stad. Die artistieke en intellektuele nalatenskap van die stad is gevorm deur sy bekende inwoners, o.a. Mozart, Beethoven en Sigmund Freud. Die stad is ook bekend vir sy keiserlike paleise, insluitend Schönbrunn, die Habsburgers se somerwoning. In die Museum Kwartiere vertoon historiese en kontemporêre werke van Egon Schiele, Gustav Klimt en vele ander kunstenaars. Jy het vandag geleentheid om die menigde Kersmarkte en van hierdie museums te besoek. Vanaand eet ons aandete by die Heuriger waar Beethoven graag besoek afgelê het.
‘n Eg Oostenrykse Kersmark in Wenen
DAG 4 VAN ONS TWEEDE WIT KERSFEESTOER, VRYDAG 19 DESEMBER 2025
DURNSTEIN & HALLSTATT, OOSTENRYK & BAD REICHENHALL, DUITSLAND
Ons groep vertrek vanoggend na Hallstatt. Op pad stop ons in die pragtige Durnstein, ‘n dorpie bekend vir sy blou barok-kerktoring.
Durnstein, Oostenryk
In Halstatt – een van die allermooiste dorpies – gaan ons ook rondstap en jy kan ‘n gesellige koffiewinkel besoek! Hierna ry ons na Bad Reichenhall waar ons vanaand gaan slaap.
Hallstat, Oostenryk
DAG 5 VAN ONS TWEEDE WIT KERSFEESTOER, SATERDAG 20 DESEMBER 2025
OBENDORF & SALZBURG & BAD REICHENHALL, DUITSLAND
Na 'n ontbyt neem ons bus ons na Obendorf waar ons 'n heerlike perdekoetsrit geniet. Later ry ons na Salzburg en besoek die ou stad. Ons ontmoet ons gids vir ‘n besigtigingsgtoer deur die stad. Ons geniet vrye tyd in hierdie sprokiestad waar Mozart gebore is. Laatmiddag ry ons dan terug na ons hotel in Bad Reichenhall waar ons saam aandete geniet.
Salzburg, Oostenryk
DAG 6 VAN ONS TWEEDE WIT KERSFEESTOER, SONDAG 21 DESEMBER 2025
INNSBURCK, OOSTENRYK & OBERAMMERGAU, DUITSLAND
Vanoggend vertrek ons na die pragtige hoofstad van die Tirool, Innsbruck, waar ons die Kersmark se liggies bewonder tydens vrye tyd. Ons ry dan verder na Oberammergau waar ons die volgende twee nagte gaan oornag.
Innsbruck, Oostenryk
DAG 7 VAN ONS TWEEDE WIT KERSFEESTOER, MAANDAG 22 DESEMBER 2025
OBERAMMERGAU, DUITSLAND
Vanoggend ry ons na die Zugspitze – die hoogste bergpiek in Duitsland. Ons ry met die kabelkar tot bo in die berge. Daarbo is gerieflike restaurante waar ons oor die sneeu kan uitkyk. Hier beleef ons ‘n tipiese sneeu-opset soos die Europeërs dit geniet! Na ons heerlike oggend in die berge besoek ons die Ettal-klooster. Later ry ons na Oberammergau waar ons die middag gaan spandeer.
Zugspitze, Duitsland
DAG 8 VAN ONS TWEEDE WIT KERSFEESTOER, DINSDAG 23 DESEMBER 2025
LECH, OOSTENRYK & BODENSEE & SINGEN, DUITSLAND
Ons vertrek vanoggend na die lieflike Bodensee. Ons spandeer eers tyd in die skilderagtige Lech. Dan besoek ons verskeie dorpies rondom die Bodensee waar die Kersatmosfeer teen die agtergrond van dié meer jou meesleur. Ons geniet ‘n bootvaart en besoek Lindau. Daarna vertrek ons na ons hotel in Singen waar ons die volgende twee aande gaan oornag.
Konstanz, Duitsland
DAG 9 VAN ONS TWEEDE WIT KERSFEESTOER, WOENSDAG 24 DESEMBER 2025
KONSTANZ & SINGEN, DUITSLAND
Na ontbyt vertrek ons na die universiteitstad Konstanz. Die Altstadt (ou stad) van Konstanz het baie ou geboue en kronkelende stegies. Die stadshorison word oorheers deur die Konstanz-katedraal, verskeie ander kerke en drie torings wat van die stadsmuur oorgebly het. Wanneer die stalletjies begin toemaak vir Oukersaand, keer ons terug na ons hotel in Singen. Vanaand geniet ons 'n spesiale Oukersaand in ons hotel.
Konstanz, Duitsland
DAG 10 VAN ONS TWEEDE WIT KERSFEESTOER, DONDERDAG 25 DESEMBER 2025
TRIBERG, DUITSLAND & COLMAR, FRANKRYK
Kersdag! Ons keer vanoggend terug na Konstanz om die Kersdiens by te woon met pragtige musiek. Hierna vertrek ons na die nimlike Swartwoud. Ons besoek die dorpie Triberg, wat ‘n transformasie ondergaan tydens Kersfees. Miskien is ons gelukkig om 'n oop koffiewinkel hier raak te loop! Anders, moenie bekommer nie, ons vertrek na Colmar in Frankryk - hier is daar baie lewe op Kersdag en ook daarna. Ons slaap die volgende twee nagte in die ou stad van Colmar. Ons geniet vanaand saam 'n Kersete as groep.
Colmar, Frankryk
DAG 11 VAN ONS TWEEDE WIT KERSFEESTOER RIQUEWIHR, VRYDAG 26 DESEMBER 2025
STRASBOURG & COLMAR, FRANKRYK
Ons spandeer hierdie lieflike dag in die imposante Strasbourg. Ons plaaslike gids vertel ons meer oor hierdie pragtige stad. Die Ryn-rivier vorm die grens tussen dié stad en Duitsland. Strasbourg het in 1988 sy tweeduisendste bestaansjaar gevier. Strasbourg is ‘n stad wat Kersfees behoorlik vier, met 13 Kersmarkte, die pragtige strate van Kleine Frankryk en menigde kerke om in jou vrye tyd te beleef.
Strasbourg, Frankryk
DAG 12 VAN ONS TWEEDE WIT KERSFEESTOER, SATERDAG 27 DESEMBER 2025
ZÜRICH, SWITSERLAND
Na ‘n lekker laat ontbyt het ons tyd om in Colmar te spandeer en vir oulaas inkopies by die Kersmarkte te doen. Daarna vertrek ons na Zürich se lughawe.
Colmar, Frankryk
DAG 13 VAN ONS TWEEDE WIT KERSFEESTOER, SONDAG 28 DESEMBER 2025
JOHANNESBURG, SUID-AFRIKA
Ons Kersfeestoer kom tot ‘n einde. En ons weet: die herinneringe bly nou verder by ons vir die res van ons lewens!
*WinskoopToere kan steeds klein veranderinge aan hierdie toerprogram maak.
Ons toerprys is R64,990.00 per persoon wat deel!
Die enkeltoeslag is R9,700.00 per persoon.
Ons toerprys sluit al die volgende in:
- Retoer vliegkaartjies van en na Johannesburg. (Ongelukkig is daar geen Kaapstad vlugte beskikbaar nie.)
- Akkommodasie in 3-4* hotelle in twin of dubbelkamers.
- Alle ontbyte.
- Aandetes of €20 subsidie soos aangedui in die toerprogram.
- Luukse busvervoer vir die duurte van die toer.
- ‘n Stadstoer met professionele Engelsprekende gidse in Wenen, Salzburg en Strasbourg.
- Kabelkarretjie op met Zugspitze.
- Bootvaart in Bodensee.
- Twee toerleiers wat oral saamtoer, veel waarde toevoeg en ‘n heerlike, gerieflike toer verseker!
- Fooitjies vir die busbestuurder: €30.
- Visumkoste.
- Mediese- en/of reisversekering.
- Bykomende lughawebelasting (volgens wisselkoers).
- Middagetes tydens die bustoer.
- Alle ander toegangsgelde (indien enige - alle groepsbesoeke is reeds ingesluit).
- Fooitjies en uitgawes van 'n persoonlike aard.
Hoe bespreek ek my plek ?
Stap 1:
Betaal die deposito van R6,000 in die volgende rekening:
Bank: ABSA Takkode: 632005 Rekeningnommer: 9343 1803 92 Rekeningnaam: WinskoopToere Verwysing: TKERS25/Jou voorletters en van (bv TKERS25/J.COETZEE)
Stap 2:
Stuur die bewys van betaling aan admin@winskooptoere.co.za.
Stap 3:
WinskoopToere sal aan jou ‘n inskrywingsvorm stuur wat jy asb aanlyn moet invul om jou bespreking te finaliseer vir hierdie toer.
Hoe werk die visum?
‘n Schengen visum deur Oostenryk word benodig vir hierdie toer. Visumaansoeke in Suid-Afrika word deur die visumsentrum VFS Global met kantore in Johannesburg, Kaapstad, Durban en Pretoria verwerk. Die koste is ongeveer R2,000 per persoon en aansoeke moet in persoon gedoen word. Die aansoekproses word gewoonlik eers 3 maande voor die vertrekdatum begin. Ons sal nader aan die tyd volledige inligting in hierdie verband aan jou stuur.
Wat van reisversekering?
Voldoende reisversekering word benodig om ‘n Schengen visum te kan kry. Dit gee ook die nodige gemoedsrus wat jy benodig wanneer jy reis. Elke toerlid is egter self verantwoordelik vir reisversekering. WinskoopToere kan jou van hulp wees om reisversekering deur Bryte Travel Insurance te verkry, maar dit moet spesifiek deur ons kantoor aangevra word. Daar is verskillende polisse beskikbaar vir ouderdom vanaf 3 maande tot 69 jaar en die koste wissel tussen R1,000 en R2,000 per persoon. Hierdie polisse moet binne 24 uur vanaf jy jou deposito betaal het uitgeneem word sodat jy kan kwalifiseer vir kansellasiedekking. Voldoende reisversekering vir senior burgers is ook beskikbaar op aanvraag en moet binne 48 uur uitgeneem word vir jou kansellasiedekking.
**WinskoopToere behou die reg om die toerprogram en -prys te wysig.