Algemene Bepalings en Voorwaardes

1.     PRYS

Die totale toerprys sluit die volgende in: ‘n Deposito van R6000 per persoon per toer, asook alle items soos op die toerbrosjure aangedui. Retoervlugte is van en na O.R. Tambo-lughawe in Suid-Afrika. ‘n Beperkte aantal vlugte is vir sekere toere van en na Kaapstad beskikbaar en enige verskil in prys sal saam met ‘n enkeltoeslag, wegbreekkoste en/of lojaliteitsbonusse (indien van toepassing) op die toerlid se faktuur aangedui word. Na die betaling van die deposito word die faktuur aan die toerlid gestuur en die balans van die volle bedrag is drie maande voor die vertrekdatum van die toer aan WinskoopToere betaalbaar.

WinskoopToere aanvaar geen kontantbetalings nie.

Lughawebelasting is onderhewig aan wisselkoers-skommelinge en enige verskil word sowat ‘n maand voor die toer se vertrekdatum op jou faktuur aangedui. Dit is betaalbaar voordat vliegkaartjies finaal uitgereik kan word.

2.     REISVERSEKERING

Reisversekering word vir visumdoeleindes vereis.

WinskoopToere kan kwotasies vir reisversekering vanaf Bryte, Hollard en TIC aanvra. Elke toerlid is self verantwoordelik vir die verkryging van voldoende reisversekering volgens sy/haar behoeftes. Die versekeringspolis wat die toerlid uitneem, is ‘n onafhanklike ooreenkoms tussen die toerlid en die versekeringsmaatskappy. Enige eise wat ingedien word voor, tydens of na die toer is die verantwoordelikheid van die toerlid.

3.     VISUM/S

Elke toerlid is self verantwoordelik vir die verkryging van die korrekte visum/s. WinskoopToere verskaf die nodige stawende vlug-, reis- en verblyfdokumente sodra lede hul volle toergelde vereffen het.

LET WEL: Aangesien die visumaansoekproses vanaf Namibië aansienlik verskil van die van Suid-Afrika, moet Namibiese toerlede self vroegtydig hieroor navorsing doen.

Toerlede wat hulle reis verleng is self verantwoordelik om seker te maak dat hulle deur die regte land vir hulle Schengenvisum aansoek doen.

4.     BELEID TEN OPSIGTE VAN KANSELLASIE

Toerlede wat tot drie kalendermaande voor vertrekdatum skriftelik kanselleer sal hulle deposito’s minus 15% administratiewe koste ontvang.

Vir kansellasies wat op korter kennisgewing geskied sal 25% van die deposito vir administratiewe kostes terug gehou word. Alle ander terugbetalings van reedsbetaalde fondse sal geskied op dieselfde skaal as wat WinskoopToere hierdie fondse van hotelle en lugrederye kan terugvorder, indien moontlik.

Indien WinskoopToere ‘n toer moet kanselleer weens oormag, bied ons ‘n krediet van die reedsbetaalde gelde aan vir sover ons verskaffers krediet aan WinskoopToere verskaf. Indien die toerlid nie van die kredietaanbod gebruik wil maak nie, geld dieselfde kansellasiebeleid as hierbo.

5.     ENKELTOESLAG EN KAMERPLASINGS VAN ENKELTOERLEDE

Kamerplasings van enkeltoerlede met ‘n toermaat word op versoek en in goedertrou deur WinskoopToere gedoen. WinskoopToere aanvaar egter geen verantwoordelikheid daarvoor indien dit tydens die toer blyk dat die toermaats nie geskik is nie. Verskuiwings word nie tydens ‘n toer toegelaat nie. Indien ‘n geskikte plasing nie moontlik is nie, is die enkeltoerlid vir die enkeltoeslagbedrag per toer verantwoordelik.

6.     BELEID TEN OPSIGTE VAN WEGBREEK VAN DIE TOERPROGRAM

Lugrederye se reëls maak soms voorsiening daarvoor dat ‘n toerlid sy/haar vliegkaartjie teen ‘n ekstra koste aan die einde van die toer kan wysig (‘n ‘wegbreek’). Indien WinskoopToere ‘n toerlid se wegbreek hanteer, sal ons ‘n addisionele dokument met alle wegbreekinligting voorsien wat deur die toerlid gelees en geteken moet word. Alle persoonlike reëlings t.o.v. ‘n wegbreek (persoonlike verblyf, vervoer, verlenging van visum, mediese versekering, ens.) bly die toerlid se eie verantwoordelikheid.

7.     ALGEMEEN

• Van toerlede word verwag om te alle tye in hulle gedrag al die mede-toerlede in ag te Indien ‘n toerlid egter nie hierdie voorwaarde nakom nie, sal hy/sy deur die toerleier daaroor ingelig word. Indien die onaanvaarbare gedrag voortduur en die suksesvolle afhandeling van die toerprogram in gedrang bring, sal sy/haar lidmaatskap van hierdie toergroep onmiddellik opgeskort word, en alle betalings wat deur die betrokke lid aan WinskoopToere gedoen is, sal verbeurd verklaar word. Die lid sal dan self verantwoordelik wees vir die gevolglike reëlings en koste ten einde na Suid-Afrika terug te keer en vrywaar WinskoopToere teen enige skade en vergoeding.
• ‘n Toer in Europa, selfs per bus, beteken dat toerlede baie moet stap (en soms ook trappe moet klim!). ‘n Gemiddeld van 8 km per dag se stap word maklik Alhoewel jy in jou vrye tyd op jou eie pas kan stap en lekker by ‘n koffiewinkel kan rus wanneer jy moeg is, moet ons daagliks ook as ‘n groep stap. Toerlede moet dus gesond en fiks genoeg wees om saam te kan toer. Indien die toerlid as gevolg van swak mobiliteit die groep gereeld terughou sodat dit die toerprogram en die mede-toerlede se ervaring negatief beïnvloed, behou WinskoopToere die reg voor om die toerlid te weerhou om aan sekere uitstappies deel te neem waar dit die toerlid of ander toerlede kan benadeel. Indien die toerlid nie hierby wil berus nie, behou WinskoopToere die reg voor om die toerlid se lidmaatskap van hierdie toergroep op te skort en alle betalings wat deur die betrokke lid aan WinskoopToere gedoen is, verbeurd te verklaar. Die finale besluit hieroor lê by die toerleier(s).
• Toerlede wat 75 jaar en ouer is, moet drie maande voor die vertrekdatum aan ons ‘n doktersbrief stuur waarin verklaar word dat hulle fiks en gesond genoeg is om die toer mee te maak en self verantwoordelikheid kan neem vir hul bagasie. Van hierdie toerlede word verder verwag om saam met ‘n begeleidingspersoon, wat ondersteuning kan verleen, te toer.
• Indien van die volgende mediese toestande op die toerlid van toepassing is, moet hy/sy drie maande voor die vertrekdatum vir ons ‘n doktersbrief stuur waarin verklaar word dat hulle fiks en gesond genoeg is om die toer mee te maak en ook self verantwoordelikheid vir hul bagasie kan neem. Toestande hierby ingesluit is onder andere hart- of longkondisies, skouer-, heup- of knievervangings asook enige ander beserings of operasies in die ses maande voor die toer of enige ander mediese kondisies wat die mobiliteit van ‘n toerlid kan inperk.
• WinskoopToere behou die reg voor om die toerprogram te wysig, te verkort of te kanselleer in die belang van die veiligheid van die toerlede of as gevolg van onvoorsiene veranderings aan die vlugplanne van lugrederye en hotelbesprekings of ter wille van die gladde verloop van die toer.
• Enige individuele reëlings tydens die duur van die toer is onderworpe aan die groep se reëlings wat op kort kennisgewing kan verander.
• WinskoopToere het die reg om die toerprys tot en met drie maande voor die vertrekdatum, in die geval van ‘n wisselkoersverandering, te wysig.
• Elke toerlid neem deurgaans tydens die toer self verantwoordelikheid vir sy/haar
• Elke toerlid se kosbaarste besitting tydens die toer is sy/haar paspoort. WinskoopToere aanvaar geen verantwoordelikheid vir ‘n paspoort wat verlore raak Ons gee vooraf raad rakende die veilige bewaring van paspoorte en daar word van toerlede verwag om hierdie raad en riglyne streng na te kom.
•  Indien ‘n paspoort wel verlore raak, sal WinskoopToere slegs in die vorm van inligting oor telefoonnommers en adresse van polisiestasies en ambassades hulp verleen en die proses verduidelik.
•  Dit is die toerlid se eie verantwoordelikheid om in so ‘n geval die nodige stappe te volg. WinskoopToere se toerleiers kan ongelukkig nie die toerlid, ten koste van die toergroep, vergesel nie.
•  Indien ‘n toerlid, vanweë nalatigheid, ‘n vlug verpas of ‘n paspoort verloor en addisionele dienste van WinskoopToere se kantoor benodig sal ‘n faktuur van R2 500 plus enige ander uitgawes aangegaan om die situasie op te los, aan die toerlid uitgereik Hierdie bedrag moet binne een maand na afloop van die toer aan WinskoopToere betaal word.
• WinskoopToere tree as agent op om hierdie toer na Europa moontlik te maak, en is nie aanspreeklik vir enige gebeurlikheid waaroor hulle regstreeks of onregstreeks nie beheer het
• WinskoopToere aanvaar geen verantwoordelikheid vir enige ongerief, verliese, skade, ens. wat mag voortspruit uit ongelukke, weersomstandighede, stakings, oproer, vertragings, oorlogsoptrede of enige onvoorsiene gebeurlikhede buite beheer van die toerbestuur nie.
• Deur in te skryf vir ‘n toer gee jy toestemming dat WinskoopToere jou kontakbesonderhede uitdruklik mag gebruik soos vereis deur Artikel 11(1)(a) van die “Protection of Personal Information Act of 2013” (‘POPI’). Alle persoonlike inligting wat met WinskoopToere gedeel word sal slegs gebruik word vir besprekings vir akkommodasie en vlugte van toepassing op die toer en om gelde betaalbaar aan WinskoopToere te verhaal.